samedi 2 juin 2012

كيفية ترقاد الزيتون

6 مايو 2012
كيفية ترقاد الزيتونالوقت وقت الزيتون نرقدوه في الدار احسن ما نستهلكو ديال الزنقة عامر غير بالصودا المهم غاانبدا معاكم من الأول يعني كفاش تختارو الزيتون
1. خاصو يكون زين في النظرة 2. ما يكونش مسوس( كتبان بحال نقط سوداء ) 3 . تكون حبات الزيتون من كبيرة الى متوسطة الحجم 4. قشرتها ملسة (ملساء ) من بعد ماانشريو الزيتون نغسلوه , و نخليوه في الماء مرقد لمدة 12 ساعة لا أكثر ( باش ما يتكواش ,حيث تصبح فيه نقط سوداء ), نسقطروه
من بعد تأتي المرحلة الأهم

مرحلة الترقاد

اذا كان الزيتون أخضر ندقوه أو نفلحوه على شكل علامة + من فوق وهيدا تبقى إختيار لكن لمدقوق تجي لديد أكثر وبسرعة تترقد و اذا كان أحمر نفلحوه حتى هو على شكل علامة + من فوق لأن الزيتون أحمر لا يمكننا دقه لأنه سيفسد لونه ومداقه , باش ندقو الزيتو الأخضر نستعملو حجرة أو أو مدق المهراز حبة الزيتون اللي دقيناها نوضعوها في الاناء الي غنرقدو فيه و نشدو عليه بسرعة بياش ما يضربو البرد , وهاد العملية هي الأهم في الترقاد . لما ننتهي نعمرو الماء على الزيتون و نسدو مزيان على البرد قدر ما قدرنا .نسجلو تاريخ البداية لأنه
بعد مرور أسبوعين غدي نبدلو الماء على الزيتون اذن بعد مرور أسبوعين نبدلو الماء ونعاودوا نبدلوه مرة اخرى بعد مرور 3ايام ومن بعد نعملوا الحامض اوالزنبوع الموجود بكثرة بمدينة مراكش لي هو على شكل ليمون وهو مر ثم نضيفو الملح الكافي و بلا ما انكترو , وبلا ما انوصيكم غطوه مزيان على البرد , راه هوالعدو ديال الزيتون.

Aucun commentaire:

Enregistrer un commentaire

Remarque : Seul un membre de ce blog est autorisé à enregistrer un commentaire.