vendredi 1 juin 2012

لازانيا صناعة منزلية 100x100

لازانيا صناعة منزلية 100x100

المقادير ل2 لازانيات

4 بيضات ملح الطحين اللي يجمع البيض العجين عادي شوية قاسح على ديال الخبز(بالسميدة الرقيقة تتجي أفضل)

الصلصة الحمراء/ البولونيز
2 علب طماطم فحال هادي 2بصلات كبار محكوكين رقاق 4ثومات محكوكين 3أوراق سيدنا موسى ملح إبزار شوية الملون الإصطناعي/ تصفيرة /زيت الزيتون/ رابعة الكفتة/معجون الطماطم/ القسبور و المعدنوس تنقطعهم دائما مع الثوم و تنحتفظ بهم فالمجمد

البيشاميل
8 ملاعق زبدة 8ملاعق طحين ملح كوزة 1لتر حليب 1كاس قشدة طرية شوية الملح
500فروماج البيتزا

الطريقة
العجين
جمعي العناصر

حتى تحصلي على عجين أقسح شوية من نتاع الخبز


عملي منو كويرات


تعملي الماء و شوية الملح فطنجرة فوق النار،وتكوني موجدة شي اناء فيه ماء بارد و وتبداي طلقي العجين بآلة المعجنات على رقم 6و هاد العملية نقدرونعملوها طبعا غير بالمدلك إيلا مكنتشي موجودة الآلة

و قطعتها بالجرارة على شكل مستطيلات

ومني غلى الماءإبداي احطي فيه وحدة وحدة شي دقيقة واحدة تقريبا حتى تيتفتح اللون نتاع لازنيا شوية المهم ماتاياخدوش كتير ديال الوقت بياش ميتصلقو

و مباشرة من تنزعوهم من طنجرة لفوق نار نعملوهم مباشرة في ماء بارد بياش يتوقف طهيهم بياش ميجوشي معجنين


الصلصة الحمراء/ البولونيز
خودي مقلات وعملي الزيت حتى يسخن شوية وظفي عليه البصلة حتى تشحرشوية

ظفي الكفتة حتى تشحرت

تركيهم حتى ينشفوا من الماء ظفي الثوم+أوراق سيدنا موسى
ظفي طماطم محكوكة او مطحونة جيدا ومنزوعة ليها الزريعة ولحبتي
نظيفوا+ملح+ إبزار +شوية الملون الإصطناعي/ شويش تحميرة

مني ثقالت الصلصة

ظفي شوية القسبور و المعدنوس +الثوم +معجون الطماطم.



البيشاميل
ذوبي الزبدة



تحمري فيها الطحين شوية



وظفي الحليب و الملح ثم الكوزة


تكوني على يقضة تحركيها مزيان لكي لا تلتصق وتحرق نبقاو نحركو فيها حتى ثقال لا صوص بيشاميل ظفي عليها القشدة الطرية

تمزجي القشدة مع البيشاميل وتخليتها 2دقائق و طفي عليها النار

المونطاج
فإناء الفرن تعملي البيشاميل ثم غطيها باللازانيا ثم صلصة الطاطم ثم الفروماج ثم البيشاميل (الصورة فقط لتوضيح الخطوات من اليسار إلى اليمين



وتكرري العملية طبقة ثانية لازانيا ثم صلصة الطاطم ثم الفروماج و الطريفات لي مامقادينش يمكن لهم يترتبوا فالطبقة الوسطى بهاد الشكل

ثم طبقة ثالثة تغطيتها بالبيشاميل، و ترسمت خطوط بمعجون الطماطم فوقها


وتجري الخطوط
بطرف سكين على شكل زواقة الميلفوي

و دخليها للفرن على 200درجة مدة 45دقيقة تقريبا حتى طابت و طلعيها لفوق حتى تحمرت و قدمتها

للتذكير هاد المقادير تخرجوا 2 فحال هادي يعني لعمل واحدة نصف المقادير كافية

Aucun commentaire:

Enregistrer un commentaire

Remarque : Seul un membre de ce blog est autorisé à enregistrer un commentaire.